أفكار وإبداعات مع لولو

 نابغون ميروار او نفارش للعروس بطريقة جديدة 2021 السلام عليكم اولا نجيبة المكونات لي في الصورة أولهم المرآة نجيبوها من عند لي يبيع لوازم لكوسميتيك كاينين في الاشكلل المرآة ب 10الاف و الفرو لي متوفر عند لي يبيع لوازم الخياطة  ناخد المرآة ونبدا نلصق عليها لفرو بالسيلكون انا هنا في الإلصاق درتها شكل بيضوي وانتوما على حساب ذوقكم بعدهل ااتزين انا اخترت ليزتراس قصيت ف طرق ونلصقهم بعد الفرو  بعدها نقلب المرآة نتاعي ونبدا في إلصاق الأرجل لي كنت شريتهم من عند لي يخيط لمفروشات والستائر وطبعا هاذ اللمسة تتحكمو فيها للأنها صراحة مكلفة انا فقط ضفتها وانتوما يرجع ليكم الخيار هنا بالنسبة ل  الصاق الارجل ماتلصقوهمش بالسيلكون للانهم مايثبتوش بل استخدمو Y7000 او B6000 او F6000 راح يعاونوكم احسن  وفي الاخير نلصقو هاذ الشوشة من الأمام ك اخر لمسة في لمفارش نتاعنا لنهار اليوم  نتمنى يكونو عجبوكم خصوصا لعرايس ونتمني يكون مشروع مربح بالنسبة ليكم 

 بلاطو ميغواغ 2020 بطريقة الطباعة على الزجاج اولا بسم الله نجيبو قطعة زجاج على حساب الحجم لي تحبوه ونجيبو صورة نطبعوها عند مول السيبار على ورق عادي بالنسبة للصورة ليكم الخرية تختارو اي صورة او اي منظر بعدها نقوم بدهن الزجاجة بكمية قليلة من لغراء الابيض ونمشيها على السطح كامل ونحاول نقلل الكمية قدر الامكان ونمسح الزائد بعدها نحط الصورة نتاعي فوق الغراء طبعا جهة الصورة هي لي تكون ملامسة للغراء باش من لجهة الثانية للزجاج نقدرو نشوفو لمنظر ونبدا نظغط باش نتأكد اني نخرج كامل لهوا مابين الزجاحة والصورة  وتكون هاذي هي النتيجة  بعدها نحط شريط لاصق في لجهة الامامية  ونقلب الزجاجة ونجيب طلاء ابيض ونبدا ندهن في الزجاجة من لخلف باش نغطي لورق بالكامل وبواسطة الطلاء نشكل طبقة عازلة تمنع وصول لماء للورق وايضا باش لي يشوف الصينية يظن انو ااصورة مطبوعة ع الزجاج ولا أثر للورق ونخلي الطلاء ينشف  بعدها نحي الشريط الاصق لي كنا وضعناه فقط باش نتاكدو انو الطلاء ميشوهش الزجاج ولمنظر من الامام  واخر خطوة نقوم ب الصاق الذراعين لي تقدري تشريهم من عند لمينيزي ولا لي يبيع الاواني ولا ل...

 صناعة علبة راقية للحلويات تحويل علبة معدنية الى علبة راقية للحلويات ب أدوات بسيطة   أول شي نحتاجو الى علبة معدنية انا استخدمت علبة حلوة الشامية وانتوما تقدرو تستخدمو علبة التونة او اي علبة معدنية نقوم ب صباغة الحواف نتاعها باللون الاسود انا استخدمت النوع الموضح في الصورة   نصبغ فقط الحواف اما من الداخل ومن تحت نخليها باللون الذهبي نتركها تنشف وتاخد وقتها  بعد ما تنشف نجيب الأرجل لي كنت شريتهم من عند لي يخيط المفارش والستائر 3أرجل يكفو ونقوم بتثبيتهم انا في الالصاق استخدمت السيلكون لكن ننصحكم ب استخدام لاصق اخر راح يكون احسن  بعدها نبدا في التزيين وكل واحدة وذوقها انا اخترت نضيف سطر من ليزتراس من فوق ومن تحت وكانت هاذي هي النتيجة بعد ماالصقت خرزة لي كنت ايضا شريتها من عند لي يقوم بخياطة الستائر ولمفارش   وبالنسبة لغطاء العلبة من المفضل انكم تروحو عند مول الزجاج وتطلبو منو يقصلكم زجاجة دائرية بنفس مقاس العلبة نتاعكم وتزينوها راح تكون روعة او انكم تصبغو غطاء العلبة وتتفنو في تزينو او تستخدم الكرطون الذهبي لخاص بالباتيسري تجييوه من عند لي يبيع ل...

 اليوم رايحين نقومو بتحويل قطعة زجاج الى صينية رخامية رائعة فقط ب ادوات بسيطة وسهلة راح تعجبكم الفكرة ب اءن الله  اولا نجيبو قطعة زجاج بالنسبة للمقاسات محددتلكمش يعني على حساب الصينية لي تحتاجوها انتوما تخيرو لمقاسات  بعدها نجيب طلاء بخاخ اسود ولا اسمو سبراي متوفر عند لكنكايري ونصبغ الزجاجة ونخليها تنشف بالكامل  بعد مانشف الطلاء نتاعي نجيب طلاء بلون أبيض وندير نقاط بشكل عشوائي كيما في الصورة  بعدها نجيب منديل نشمخو بالزيت نتاع لمطبخ ونبدا نفوت على النقاط البيضاء ونمشي لبانتورة لفوق ولتحت يمين وشمال يعني بشكل عشوائي شوفو النتيجة بعدها نزيد نجيب طلاء لون ذهبي ونعاود نفس الخطوات لكن بكميات قليلة وهاذي النتيجة نخليهم ينشفو ويكون الرخام معانا واجد بعدها نجيب ليدين لي تشريهم من عند لي يبيع الاواني ولا من عند لكنكايري ولا من عند لمينيزي كامل عندهم  ليدين يلصقهملك مول الزجاج اما يثقبلكم الزجاج او يعطيكم لاصق خاص وهاذي هي النتيجة وتقدرو تضيفو الأرجل  نتمنالكم مشروع موفق واذا حبيتو تشوفو لفيديو تفضلو للرابطhttps://youtu.be/ft2o4SweMs4

السلام عليكم ومرحبا بيكم في مدونة أفكار وابداعات مع لولو اليوم راح نديرو مع بعض صابون للعرائس بطريقة الديكوباج يجي هايل وساهل ومناسب للمشاريع  اول حاجة نحضرو الوسائل لي راهي موضحة في الصورة باش نبداو في لعمل نتاعنا بسم الله  بالنسبة الصابون انا اخترت صابون دوف معروف بريحة نتاعو خصوصا اذا كان لعمل نتاعنا للعرايس وانتوما يرجع ليكم الاختيار  ومن جهة اخرة ناخذو الغراء الابيض للخشب كيما لي في ااصورة يتباع في لمكتبات وايضا عند لكنكايري ونخففو بكمية من الماء ونخلطهم باش نبدا العمل  بعدها ندهن سطح الصابونة بهذا لخليط ونجيب المنديل ونقص منو لورود لي حابة نديرها فوق الصابون  ونفصل طبقين نتاع لمناشف نخلي فقط الطبقة لي فيها رسمة لورود تكون رقيقة   ونحط الصورة فوق الصابون ونزيد ندير طبقة من لغراء فوقها ونخليها تنشف وقبل ماتنشف نضيفلها لماع من فوق باش يزيد يمدلها منظر وهاذي هي النتيجة https://youtu.be/AnOdaRQhMLI واذا حبيتو تشوفو الفيديو بالتفصيل متنساوش زيارة قناتي لمشاهدة لفيديو كامل