أفكار وإبداعات مع لولو

 اليوم راح نتعلمو نصنعو علبة راقية للحلويات الجافة من خشب الليزر بطريقة سهلة ورائعة وننصحكم بهاذ الفكرة ك مشروع ل انها رائجة مؤخرا  اولا نحتاجو علبة تكون فارغة انا استخدمت علبة لحذاء او اي علبة كيما تقدرو تصنعو وحدكم علبة بالكرطون فقط ومن لمقاسات لي تحبوها  نبدا في تغليف لعلبة بالقطيفة نغلف لحواف لخارجية والداخلية دائما نستخدم السيلكون للتغليف  بعدها نقص مستطيلين من لكرتون ويكونو ب نفس مقاسات العلبة واحد نغلفة بالساتان والاخر نغلفو بالقطيفة  نلصق قطعة لكرتون لي مغلفة بالساتان الداخل ولي نغلفة باليفة نلصقها ك قاعدة من الاسفل بعدها نجيب خشب الليزر ونقصو وبطرونشوار على نفس ابعاد العلبة ونلصق في لحواف  بعدها نجيب قطعة زجاج بنفس مقاسات العلبة طبعا تطلبي من مول الزجاج يقصهالك باش نديروها ك غطاء للعلبة  ونزينها برشمة من خشب الليزر ونزيدلها شوشة مع خرزة في لوسط  وكانت هاذي هي لعلبة رائعة وتصلح لتقديم الحلوى الجافة وكاين لي يدو فيهم الحلويات  في حفلات لخطوبة وعندها لعديد من الإستخدامات نتمنى تكون عجبتكم 

 السلام عليكم اليوم رايحين نقومو بتحويل غطاء بلاستيكي الى صينية او بلاطو ميروار للتقديم بطريقة سهلة  اولا نحتاجو الى غطاء بلاستيكي انتوما تختارو الشكل لي تحبوه انا خيرت شكل مستطيل  تصبغوه باللون لي يحلالكم باش تغطو كامل التفاصيل ومايبقاش يبان غطاء انا هنا عندي لون ابيض  نختارو اي صورة نزلوها  من الأنترنت ونطبعوها على ورقة ونلصقها بغراء مائي  نجيبو 4أرجل ونلصقوهم من الأسفل  نحتاجو أيضا خرزات لون ذهبي نلصقهم في الحافة باش نغطي كامل تفاصيل لغطاء نتاعي ويولي يبان بلاطو راقي   اخيرا نلصق ليدين إما اني نثقب الغطاء نتاعي ونلصق ليدين بالفيسات ولا نلصقو بالغراء المستعمل انا في فيديو ليوم استخدمت B7000 بالنسبة للصورة باش ماتتقطعش كاين لعديد من الطرق اتتي خيري لي تناسبك اولا انك تديها عند مول الزجاج وتطلبي يقصلك زجاجة بنفس لمقاسات وهكا لبلاطو نتاعك يولي راقي ولا تدهني الصورة بالفارني نتاع لخشب لي هو لورنيش باش يدير طبقة عازلة عن لماء ولا تدهني بالغراء الأبيض تديري طبقات  وهذا هو لبلاطو نتاعي نتمنى يكون عجبكم  للمزيد زورو قناتي https://youtu.be...

 فكرة مشروع اليوم هي تغليف علب الهدايا او علب لجهاز العروس بطريقة احترافية وسهلة وتصلح كمشروع مربح وناجح  اولا نحتاجو الى هذا الكرتون من عند لي يبيع لوازم الخياطة ونحتاجو معاه الى قماش يكون فودان لاصق انا هاذ لولزم شريتهم من تطبيق Art place   ندير لباتغون نتاع لغطاء لي هو مربع طول الضلع 15سنتيم بعدها نرتفع من كل زاوية بمسافة 3سنتيم حتي نتحصل ع الشكل لي في الصورة  نجيب طرونشوار واذا كان مش متوفر استخدمو موس لحلاقة ونفوت الطرونشوار على الاضلاع نتاع المربع بلا مانقطع فقط باش نتمكن من كسر لكرطون ولحصول على غطاء للعلبة  نثبت الاضلاع مع بعضاها بشريط لاصق  ونبدا في تغليف غطاء العلبة بالقماش لمطلوب نغلفها من لخارج اولا بعدها نغلفها من الداخل وتكون هاذي هي النتيجة   بالنسبة للعلبة هي نفس طريقة عمل الغطاء لكن تختلف فقط الأبعاد بحيث نرسمو مربع طول الضلع نتاعو 13.5سنتيم باش لغطاء يكون اكبر من للعلبة ونرتفعو من الزوايا نتاع لمربع بمسافة 10سنتيم وهذا هو الشكل لمطلوب بعدها نغلف لعلبة بنفس لقماش وبنفس الطريقة لي خدمت بيها مع لغطاء  وتكون هاذي هي النتيجة بعد ...

تغليف علب للعرائس 2021 من علب الشاي الى مشروع مربح علب راقية  أولا نجيبو علبة شاي ونبداو في تغليفها انا هنا استخدمت قماش لفودان اللاصق ونغلف محيط العلبة ونغلف من الأسفل ونزيد نغلف غطاء لعلبة  بعدها نروحو للتزين نلصق في لعلبة 4أرجل  نجيب موتيف من عند لي يبيع لوازم لخياطة لون ذهبي ونلصقهم في لغطاء  ونجيب ورد ونلصقو من لجهة الأمامية  بعدها نفصل الغطاء عن لعلبة بخط ليزتراس  وهاذي هي النتيجة ونتمنالكم مشروع مربح وموفق  للمزيد من التفاصيل زورو قناتي