تغليف علب لجهاز العرايس

 فكرة مشروع اليوم هي تغليف علب الهدايا او علب لجهاز العروس بطريقة احترافية وسهلة وتصلح كمشروع مربح وناجح 

اولا نحتاجو الى هذا الكرتون من عند لي يبيع لوازم الخياطة ونحتاجو معاه الى قماش يكون فودان لاصق انا هاذ لولزم شريتهم من تطبيق Art place  

ندير لباتغون نتاع لغطاء لي هو مربع طول الضلع 15سنتيم بعدها نرتفع من كل زاوية بمسافة 3سنتيم حتي نتحصل ع الشكل لي في الصورة 

نجيب طرونشوار واذا كان مش متوفر استخدمو موس لحلاقة

ونفوت الطرونشوار على الاضلاع نتاع المربع بلا مانقطع فقط باش نتمكن من كسر لكرطون ولحصول على غطاء للعلبة 

نثبت الاضلاع مع بعضاها بشريط لاصق 

ونبدا في تغليف غطاء العلبة بالقماش لمطلوب نغلفها من لخارج اولا

بعدها نغلفها من الداخل وتكون هاذي هي النتيجة

 

بالنسبة للعلبة هي نفس طريقة عمل الغطاء لكن تختلف فقط الأبعاد بحيث نرسمو مربع طول الضلع نتاعو 13.5سنتيم باش لغطاء يكون اكبر من للعلبة ونرتفعو من الزوايا نتاع لمربع بمسافة 10سنتيم وهذا هو الشكل لمطلوب

بعدها نغلف لعلبة بنفس لقماش وبنفس الطريقة لي خدمت بيها مع لغطاء 

وتكون هاذي هي النتيجة بعد مازينت الغطاء بشريط ساتان عرض 2.5 

وهاذ لعلب تباع على شكل طقم من الصغيرة للكبيرة انا مديتلكم اصغر قياس 

نستخدموهم في لهدايا في مختلف لمناسبات وتستخدمهم لعروسة تدي فيهم جهازها 

وولمزيد من التفاصيل متنساوش زيارة قناتي https://youtu.be/uREgPxYTgSY