صنع علبة لجهاز العروس

 تزيين علبة للجهاز العروس بطريقة سهلة (علب الأتراك)

اول شي نجيبو بيدون خاص بالبانتورة من اي حجم تحبوه

 

ونغلفوه بالاسفنج انا استخدمت اسفنج بسمك 1.5سنتيم على هاذيك اظطريت باش ندير 3طبقات فوق بعض وانتونا تقدرو تستخدمو اسفنج لي يكون ذو سمك 5سنتيم راح يوفر عليكم لكثير من التعب 

بعدها نجيب مسطرة وقلم ونبدا في تحديد نقاط تكون تبعد على بعضها بنفس لبعد 

بعدها نجيب طرونشوار وفي كل نقطة عينتها نثقب الاسفنج يعني ندير حفرة 

بعدها نجيب لقماش نتاعي انا استخدمت قماش قطيفة 

ونجيب أيضا دباسة لخشب 

نحط لقماش فوق الاسفنج وبالدباسة نظغط فوق النقاط لي كنت عينتهم 

نتحصل على هاذي الغرز ونبقا مكملة على طول محيط البيدون حتي نتحصل على هاذي النتيجة 

بعدها نجيب دائرة من الكرتون قطر الدائرة نفس قطر البيدون ونغلفها بالقطيفة ونلصقها في القاعدة وتقدرو تخيطوها لكن انا ألصقتها فقط وفي الأخير راح نزيد نضيف ليزتراس باش نغطي الإلصاق 

بعدها نجيب قماش ساتان ونغلف لبيدون في لحوف من الداخل بعد مانكون ثنيت لحواف العلوية وألصقتها 

بالنسبة لتغليف لقاعدة نجيب دائرة من لكرتون يكون لقطر نتاعها نفس قطر دائرة لبيدون نتاعنا وغلفتها بالساتان ونلصقها الداخل كملاحظة بالنسبة للتغليف الداخلي شوية صعيب اذا حبيتي تفاصيل اكثر ادخلي للقناة الرابط راهو في نهاية النقالة وراح تلقاي تفاصيل اكثر 

وهكذا نكون أنهيت تغليف البيدون من داخل بالساتان 

الأن نروحو للغطاء

أيضا نديرولو 3طبقات من الإسفنج

بها نحددو النقاط ونحطو القماش ونكبسو بدباسة الخشب نتحصلو عليه بهاذ المنظر 

ومن الخلف نثني حواف قماش القطيفة بعدها نجيب قماش الساتان ونغلف الغطاء من الخلف ويكون واجد معانا واكيد لتفاصيل اكثر حول تغليف لغطاء من لخلف بالساتان قناتي في لخدمة

وزينت العلبة نتاعي بخرزات لون فضي في كل ثقبة حطيت خرزة في لعلبة وحتي في لغطاء 

وضفت ايضا ليزتخاس في الأسفل وفي لغطاء باش نغطي كلش وكانت هاذي هي لعلبة نتاعنا راقية ورائعة لجهاز

العروسة وكل ماكانت اكبر كانت أروع ومتنساوش تابعوني على قناتي