أفكار وإبداعات مع لولو

 وصفة بسكوغولي ولا أسهل كيما نتاع لمحلات  -المقادير: 5حبات بيض  نصف كاس سكر نصف كاس زيت   ملعقة صغيرة لافاني  كأس فرينة  -طريقة التحضير: اولا نفصل الصفار عن البياض  ونحكم البياض نضيفلو لافاني ونخفقو حتي يطلع مليح بعدها نضيف عليه الصفار ونكمل نخفق شوية بعدها نضيف نصف كاس سكر ونواصل الخفق واخيرا نبدا نضيف الزيت هنا الزيت لازم نضيفوه تدريجيا باش مايهبطش الخليط نتاعنا بعدها نضيف كاس الفرينة نغربلها اكيد ويكون الخليط جاهز  نجيب بلاطو يدخل للفرن يكون مسطح وكبير باش تجينا طبقة رقيقة ونحط في الصينية ورق الشمع ندهنو بالزيت ونسكب الهليط نتاعي وندخلو للفرن درجة حرارة 180° مدة من 8دقائق الى12دقيقة يعني على حساب السمك  من جهة اخرى نحضر السيرو باش نشرب البسكوي نتاعي السيرو ندير فيه كيلة ونص سكر مع 3كيلات ماء وشريحة ليمون ونخلي الخليط يغلي فوق النار 10دقائق  انا نفضل نشرب البسكوي نتاعي بالعصير احسن  ومن جهة اخرى نطلع الشونتي يعني كأس بودرة الشونتي وكأس ماء او حليب بارد ونطلعها مليح  بعدها نجيب البسكوي نتاعي نشربو بالعصير  بالبانسو ب...

 دجاج محمر ومجمر مع الأرز أحلى من لمطاعم -طريقة التحضير: اول شي نجيب فخذ داند ونظفو ونغسلو بالماء والخل والملح  بعدها بالسكين ندير فيه ثقوب في كل جهة وهاذ الشي راه يخليه يجي بنين أكثر بعدها ندير ميلونج او خليط باش ندهن الداند نتاعي هاذ الخليط هو:4فصوص ثوم مهرس+ ملعقة كبيرة خردل(مطارد)+3ملاعق زيت+ملعقة صغيرة طماطم مصبرة+تشكيلة من التوابل لي تحبي تضيفيهم ونخلطهم يكونو كيما في الصورة  بعدها نبدا ندهن في فخذ الداند نتاعي من الأمام ومن الخلف  من جهة اخرى نقوم بتقطيع الطماطم والبصل الى مربعات صغيرة ونحطهم في كوكوط ونحط معاهم كمية من الزيت  ولاصوص لي بقاتلي نضيفلهم كمية قليلة من لماء ونضيفها على البصل والطماطم بعدها نحط فوقهم الفخذ نتاعي  ونغلق عليها لكوكوط ونديرها على نار قلييييييييلة جدا ونخليه يطيب راه ياخد من ساعة الى ساعة وربع على حساب حجم الفخذ نتاعك وبعد ماخليتو طاب وخرجتو وضعتو في صينية تدخل لفرن  بعدها دهنتو ب خليط ٱخر لي هو:ملعقة صغيرة عسل+ ملعقة صغيرة خردل+ طماطم مصبرة +فلفل عكري +زبدة  ودخلتو للفرن مدة 10دقائق وفتحت عليه فقط من فوق باش يتحمر...

صابلي بالمعجون بريستيج هشيش وطري مع ديكور ساهل وهايل -المقادير: 250غ مارغرين  2صفار بيض 2بيضات كامل  كاس سكر  كاس نشا  3ملاعق زيت لافاني  قشور الليمون  قرصة خميرة  فرينة  -طريقة التحضير: نحط الزبدة مع البيض ولافاني ونخلطهم مع بعض حتى يولو قوام كريمي بعدها نضيف السكر ونخلط حتي يمتزج معاهم بعدها نضيف النشاء وملاعق الزيت ولازم الكل يمتزج مليح بعدها نبدا نضيف في الفرينة شوية شوية وماننساش الخميرة حتي نتحصل على عجينة طرية نغطيها ونخليها تريح بعدها نقسم العجينة نتاعي الى كريات وزن كل كرية 38الى 40غ وقد يختلف الميزان على حساب المول  نحط في المول كمية فرينة بعدها نحط كرية ونظغط عليها باش يخرج الشكل ولفرينة اكيد راح تعاون باش نحو العجينة من لمول ويكون هذا هو شكل الحبة  نكمل بقية العجينة بنفس الطريقة ونحط الحبات نتاوعي في صينية يكون مرشوش عليها الفرينة او نفرش ورق الطهي وندخلها لفرن على درجة حرارة 180°من ربع ساعة الى 20دقيقة ويكون الصابلي واجد  بعد مايبرد نجيب معجون المشمش ونضيفلو ملون احمر ونحط في قلب كل حبة كمية مليحة ونخليها تنشف  واخ...

 وصفة لمقروط المقلاة ناجحة مليون في المئة بمقادير مظبوطة المقادير: 3كيلات مملوءين تشيشة نوع خشن  1كيلة سمن  قرصة ملح  ملعقة لافاني  كيلة ماء وماء الزهر  وقرصة بياض بيض اول شي نخلط المكونات الجافة مع بعض بعدها نضيف كيلة سمن على الخليط ونبدا نبسس فيه بين راحة يديا حاولي تبسسيه قيس ماتقدري كيما في الصورة بعدها نضيف القليل من بياض البيض راح يلعب دور كبير باه مايتفتتش المقروط بعدها  ناخد كيلة تكون خليط مابين ماء وماء الزهر ونضيف ع الخليط نصف الكمية ونخليهم يتشربها اقل شي ساعة والأحسن يبات بعدها نكمل بقية الكمية ودائما الخلط فقط بالأصابع  الحشو: -اذا كان الحشو غرس اكيد رايحة نقيه بعدها نفورو ونعجنو ب قطرات زيت وقطرات ماء الزهر حتي يولي ناعم -واذا كان الحشو كوكاو رايحين نديرو 3كيلات كوكاو وكيلة ناقصة سكر ولافاني ونرشو عليه ماء الزهر ونخلطو بالاصابع والنتيجة كما في الصورة  بعدها راح ناخذ كمية من الخليط نتاعي ونفتحها ونحط فيها الحشو سواء الغرس او الكوكاو كيما في الصورة نغلق عليها ونبدا في تشكيل الحربوش وتقطيع حبات المقروط على حساب الحجم لي تحبوه كما ف...

وصفة البيتزا الأصلية بالتفصيل مع نتيجة هائلة   العجينة: -3كؤوس فرينة مملوؤة جيدا  -1/2ملعقة كبيرة سكر  -1ملعقة كبيرة خميرة الخبز -3ملاعق زيت -2ملاعق حليب بودرة  -كيس خميرة الحلوى  -حبة بيض  -حليب سائل نجمع به العجينة -الطريقة:  نحط الفرينة اولا ونضيف عليها الملح والسكر وخميرة الخبز وخميرة الحلوى وحليب بودرة نخلط هاذ لمكونات لجافة ونضيف عليهم حبة بيض والزيت ونخلط بعدها نبدا نلم العجينة بخليط من الماء والحليب السائل يكونو دافين بعد مانلمها ندلكها شوية ونخليها ترتاح  بعد ربع ساعة نشكلها كويرات ونخليها ايضا ربع ساعة بعدها نفتح لكويرات على ورق الشمع  بشكل دائري وندهنها بزيت ونغطيها حتي يجي وقت التزيين والطهي  -تحضير الصلصة: نقطع 4حبات الطماطم الى مربعات صغيرة نضيف عليها حبة  بصل مقطعة صغيرة ونضيف ثوم أيضا مقطع ونخليهم يغلو بعدها نرحيهم في اي آلة ونضيف عليهم ملح وقرصة سكر وفلفل عكري وطماطم مصبرة ونخليها حتي تولي ثقيلة  طهي البيتزا: ناخذ وحدة ونثقبها بالشوكة ونحط فوقها الصلصة ونضيف لجبن المبشور والتونة وفلفل مقطع مربعات وزيتون ون...