وصفة بسكوي رولي مثل المحلات
وصفة بسكوغولي ولا أسهل كيما نتاع لمحلات 
-المقادير:
5حبات بيض
نصف كاس سكر
نصف كاس زيت
ملعقة صغيرة لافاني
كأس فرينة
-طريقة التحضير:
اولا نفصل الصفار عن البياض ونحكم البياض نضيفلو لافاني ونخفقو حتي يطلع مليح بعدها نضيف عليه الصفار ونكمل نخفق شوية بعدها نضيف نصف كاس سكر ونواصل الخفق واخيرا نبدا نضيف الزيت هنا الزيت لازم نضيفوه تدريجيا باش مايهبطش الخليط نتاعنا بعدها نضيف كاس الفرينة نغربلها اكيد ويكون الخليط جاهز
نجيب بلاطو يدخل للفرن يكون مسطح وكبير باش تجينا طبقة رقيقة ونحط في الصينية ورق الشمع ندهنو بالزيت ونسكب الهليط نتاعي وندخلو للفرن درجة حرارة 180° مدة من 8دقائق الى12دقيقة يعني على حساب السمك
من جهة اخرى نحضر السيرو باش نشرب البسكوي نتاعي السيرو ندير فيه كيلة ونص سكر مع 3كيلات ماء وشريحة ليمون ونخلي الخليط يغلي فوق النار 10دقائق
انا نفضل نشرب البسكوي نتاعي بالعصير احسن
ومن جهة اخرى نطلع الشونتي يعني كأس بودرة الشونتي وكأس ماء او حليب بارد ونطلعها مليح
بعدها نجيب البسكوي نتاعي نشربو بالعصير بالبانسو بعدها نضيفلو طبقة من الشانتي ونروليه وتزينيه من فوق ب اي شي انا ضفتلو سكر ناعم وسيريز وبصحتكم
ناخذ البيض مع السكر ونخفقهم مليح تقريبا لمدة 13دقيقة حتي نشوفو البيض طلع والخليط ولا أبيض بعدها نضيف عليه 4ملاعق فرينة تكون مملوؤة مليح واكيد لافاني
تعليقات
إرسال تعليق